ما العمل ؟؟؟

أراء - أفكار - و حوارات هادئة
صورة العضو الشخصية
terez
مشاركات: 115

ما العمل ؟؟؟

مشاركة#1 » 12 مايو 2010 01:17

يعني قصة ومافيها يا شباب انو انا حابة استشير رأيكم بشغلة وبتمنى الكل يجاوبوني
بالمختصر مفيد: انو في بنت مسيحية قالتلي انو ... تعرفت على شب عن طريق منتدى هي وهو كانو يشتركو فيه ... وبعدين هالبنت شافت هالشب مرتين وبس تحكي معو عالمسينجر وموبايل كتير وطبعاً هي حبتو كتير بس انو تستنى شي يوم انو هالشب يقولها انو انا بحبك وبدي ياكي
ومع انو لمحتلو كذا كم مرة انو تحبو وحتى اهدتلو قصائد وخواطر وبالاخر شي كتبتلو عالمسينجر انو انا حبيتك وهو ماقال شي الا : تسلمي يارب

واخو بنت كمان يكون صديق هاد شب بس مايعرف بمشاعر اختو تجاه هالشب ... وشب يخجل من اخوها كتيروحتى مرة بعت ورا اخوها عالتليفون لعندو عالحمص بس استحى يذكر اسم صبية قدام اخوها ...
مرات تحس انو هو يحبها لأنو تقول هو كمان يقولها مايرديا تبتعت عنو لأنو في كم واحد كان بدن يبعدون عن بعض وهو كان عم يقاوم وفي مرات تحس انو لا يمكن عم يعتبرا صديقة وبس
مع انو تعرف انو عندو كتير صديقات من انترنيت وهو كمان يعرف انو عندها كتير اصدقاء من انترنيت
وشغلة تانية انو هي كتبتلو برسالة شي نوع من غزل ولما حكي معها من شان يستفسر ايش قصة رسالة كان كتير مستغرب وماكان عندو مانع انو تكتبلو هيك رسائل وبعد هالقصة عرفت انو هو حب وحدة من منتدى تبعن بس ماصرح مين هي؟؟ وبنت مابقا عندا صبر ومابقا تعرف ايش تعمل لذلك كانت عم تسألني .. تصلي للرب انو تكون هي ببالو ولا لاء و تصارحو بمشاعرها ولا لاء ؟؟؟؟؟؟
احــــلـــــى مـــــــــــــا فــــــــــي حــــــيـــــــاتـــــــــي أنـــــــــــــت حـــــــبـيبـــــــي يــــــــــا يــــــــــــــــــوع

كبرئيل السرياني
مشاركات: 725
اتصال:

Re: ما العمل ؟؟؟

مشاركة#2 » 12 مايو 2010 01:54

الصراحة أنا أقول إنو إيران بدها تجر شعبها للحرب متل العراق والنزاع في الضفة الغربية بدو ياخد وقت ومجهود كثير كبير من الطرفين
طبعاً دعم امريكي لموقف اسرائيل هو العائق الوحيد ..... وي وي ... !!!@$@#%#$^^%&&* أنا أيش عم أخبص رحنا لغير موضوع :lol: :lol: :lol:

خيتو نرجع لموضوعكِ :D

++++
بعد تشخيص الحالة المذكورة نقول رداً على تساؤلكِ :

" تصلي للرب انو تكون هي ببالو ولا لاء و تصارحو بمشاعرها ولا لاء ؟؟؟؟؟؟"

صدقي بالنسبة إلي ما أعرف أيش تقول ، طبعاً أنا ما إلي خبرة كثيرة بهل مواضيع تبع الحب ما حب والصداقات والإنترنيت والشباب والبنات والدردشة والماسنجر ...إلخ يا دوب نشتغل بالموقع ونستخدم الماسنجر بشان نعطي التعليمات والأوامر للمشرف ... عفواً المدير الكبير بهرو Big Boss طبعاً .

بس رح نقول التالي :

رأي شخصي :
- ما يدور في مشاعر هذه الفتاة لا يسمى بالحب ، وهذه الفتاة لا تحب ذاك الشب ولا يوجد هناك ما يسمى بالحب الحقيقي بينهما

لا أقتنع ولم اقتنع أنه يوجد هناك حب حقيقي بالفعل من خلال الدردشة والإنترنيت ومجرد المرسالات

الحب كلمة ومفهوم وإيمان أكبر من هذا كله ...

الحب يأتي عندما يقتنع الطرفان ببعضهما البعض قناعة تامة على مبدأ التفاهم والمحبة والقواسم والإهتمامات المشتركة والتفكير الواحد الذي يجمعهما
وهذا الألعاب الصبيانية التي نراها اليوم " من دردشة على الماسنجر وحديث على الموبايل ومنتديات صبيانية...إلخ " كلها خالية لا تحوي ما يسمى بالحب الجاد الحقيقي ، فكما قلنا أن الحب الجاد يأتي بوقائع وأرضيات أخرى ...

يعني بالله شلون الواحد أو الوحدة تيحبو ببعض من خلال : " منتدى هي وهو كانو يشتركو فيه ... وبعدين هالبنت شافت هالشب مرتين وبس تحكي معو عالمسينجر وموبايل كتير وطبعاً هي حبتو كتير "

أنا الصراحة ما تتدخل بمخي مفهوم إنو في حب بمعنى الحب يجمع الشخصين
برأيي هو الفراغ العاطفي أولا ً يلي جوات البنت وثانياً خلي نقول " إعجاب ولو بسيط "

ملاحظة : الإعجاب ليس شرطاً للحب ،مثلاً أنا معجب بمايكل جاكسون ، برقصاته و بأغانيه وبحضوره المسرحي ، ولكنني لا أحبه بالمعنى الحب الحقيقي ( بل إنني معجب به ) "


2- سؤالي للفتاة ؟

" ما هو هدف هذه المشاعر التي تكنيها للمحبوب الشكسبيري " ؟

يعني على فرض حبيتيو وحبك ؟ ومشي الحال ...
أي وبعدين أيش تسير ؟؟؟؟ هل عندو الإستعداد للإرتباط الرسمي على القليلة ؟

رأي شخصي آخر :
إذا الشب مانو قادر على الإرتباط والتقدم بشكل رسمي يفضل ما يدخل بهيك علاقات ، أفضل إلو وللبنت كمان لكثير من الأسباب يلي مافي مجال نذكرها هلا ...



أخيراً برأيي
تترك الأمور تجري على حالها ، وعلى قولات الشاعر الكبير كبرئيل السرياني :D :

" لا تركضوا وراء الحب ، بل دعوا الحب يمر بحياتكم بشكلٍ طبيعي وهادئ ومسالم .... "

شكراً إلك على الموضوع الحلو مرة تانية

منتظر رأي باقي الأعضاء ورأيي الأبونا كمان إذا في مجال

فوشون بشلومو

صورة العضو الشخصية
terez
مشاركات: 115

Re: ما العمل ؟؟؟

مشاركة#3 » 12 مايو 2010 12:48

كبرئيل السرياني كتب:D


بس رح نقول التالي :

رأي شخصي :
- ما يدور في مشاعر هذه الفتاة لا يسمى بالحب ، وهذه الفتاة لا تحب ذاك الشب ولا يوجد هناك ما يسمى بالحب الحقيقي بينهما

لا أقتنع ولم اقتنع أنه يوجد هناك حب حقيقي بالفعل من خلال الدردشة والإنترنيت ومجرد المرسالات
شوف بالاول شي كان الها مجرد صديق بس بعدين شافتو وجهاً للوجه وكان اخوها موجود ومن هداك يوم حبتو وقويت مودة بيناتن اكتر

الحب كلمة ومفهوم وإيمان أكبر من هذا كله ...

الحب يأتي عندما يقتنع الطرفان ببعضهما البعض قناعة تامة على مبدأ التفاهم والمحبة والقواسم والإهتمامات المشتركة والتفكير الواحد الذي يجمعهما
وهذا الألعاب الصبيانية التي نراها اليوم " من دردشة على الماسنجر وحديث على الموبايل ومنتديات صبيانية...إلخ " كلها خالية لا تحوي ما يسمى بالحب الجاد الحقيقي ، فكما قلنا أن الحب الجاد يأتي بوقائع وأرضيات أخرى ...
هن متفاهمين كتير مع بعض وشب صادق ماعندو حركات صبيانية وولدنة . بس انو ماتعرف اذا كان يحبا ولا لاء ؟؟؟؟ وعم تفكر ياترى لازم تصارحو ولا لاء؟؟؟



2- سؤالي للفتاة ؟

" ما هو هدف هذه المشاعر التي تكنيها للمحبوب الشكسبيري " ؟


أي وبعدين أيش تسير ؟؟؟؟ هل عندو الإستعداد للإرتباط الرسمي على القليلة ؟

اكيد رح يرتبط فيا با كابي لأنو بعدين رح تخبر اخوها اذا شب حبها


منتظر رأي باقي الأعضاء ورأيي الأبونا كمان إذا في مجال
[color=#0000FF]وانا كمان بستنى ردود باقي اعضاء ورأي ابونا كمان مهم

فوشون بشلومو

تودي ساغي احونو كابي
احــــلـــــى مـــــــــــــا فــــــــــي حــــــيـــــــاتـــــــــي أنـــــــــــــت حـــــــبـيبـــــــي يــــــــــا يــــــــــــــــــوع

صورة العضو الشخصية
BAHRO
مشاركات: 339
اتصال:

Re: ما العمل ؟؟؟

مشاركة#4 » 13 مايو 2010 20:22

تعقيباً على نشرة الأخبار الأخيرة أعتقد أن أيران لا تجر شعبها إلى أي حرب فهي تعلم في أي وقت يجب عليها تقديم بعض التنازلات لأسكات الغرب و لفت النظر عن حقيقة برنامجها النووي سلمياً كان أم حربي و النزاع بالضفة الغربية لا بد أن ينتهي في يوم من الأيام و نأمل تحقيق السلام على عهد الرئيس أوباما الّذي وعد بالكثير خلال حملاته الإنتخابية.... أوف أوف.... لعمى كلام كبرئيل الساحر شدني ألو و ما خلالي مجال أعلق عالموضوع الرئيسي.




أنا كمان بصراحة ما أستعمل المسنجر غير لإستلام المعلومات من معلمي كبرئيل اللي عم يدفعلى راتب شهري بشان أولف... بس بصراحة بنفس الوقت عم أدردش مع بنات كتير بدون ما يحس هو 8-) بس هسسسسس لا تخبريو هاه أحسن ما يقلعني من الشغل :D


بصراحة أخت تيريز الموضوع حساس يعني من ناحية أوافق كبرئيل أنو العلاقة بين الشب و البنت مو حب هي لكن مجرد إعجاب و على الأغلب من طرف واحد...

القصة أنو الشب إذاااااا كان يحب البنت عنجد أو مُعجب فيها عالأقل و يريد يصارحها بمشاعرو فأكيد بدو يستغل فرصة تلميحاتها إلو أو الفرصة الأكبر بالقصيدة الغرامية اللي كتبتلو يي.... و هون عنا خيار من الخيارين...

  • الأول: أنو الشب فهمان أيش يي القصة بس عم يطنش لأنو ما يريد يجرح مشاعر البنت برفضو إلها و بنفس الوقت يريد الحفاظ عليها كصديقة
  • و الثاني: الشب يحبها بس ما فهم عليها من خلال تلميحاتها و هون يكون العينتين "حيييييييط" و أنا أنصحها بعدم الإرتباط بحيط و ذلك لعدم فهمه للأمور عالطاير


نصيحتي إلها يا تيريز أنو تترك الموضوع للأيام فإن كان الشب يحبها فبدو يتشجع و يصارحها بمشاعرو و إذا ما كان يحبها فيكون بصمتها حفظت ماء وجهها

و مع تمنياتي لصديقتكِ بحياة سعيدة مع شريك الحياة المناسب
لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية يوحنا 16:3

مظاهرة برلين للتضامن مع دير القديس مار كبرئيل

إن أردت التغيّر فعلم جيلاً جديداً

صورة العضو الشخصية
غادة الخوري
مشاركات: 124

Re: ما العمل ؟؟؟

مشاركة#5 » 14 مايو 2010 19:41

يعني فهموني ليش هيك صاير هالزمن ؟؟؟؟
من ايمت صار الحب على الانترنت اسمو حب فعلي ..؟؟
يا جماعة كلو هاد بالنسبة الي صف حكي يعني مافي شي من المشاعر الحقيقية ...
لانو يا شباب ... الوجود ضرورة حتمية لتنشأ علاقة بين اي اتنين ...
بعدين تعالو لنشوف شو مفهوم الحب عندكن ...؟؟؟
الحب هو شعور حلو كتير بيتضمن الحنان والاخلاص والمحبة والصداقة والشهامة والكرم وو و و .......
يعني بالمختصر مافي حب بدون تواجد الشخصين لحتى يفهمو بعض صح من خلال ردات الفعل الحقيقية ...
اما على الشات بيقدر اي شخص يخفي شعورو الحقيقي ويخفي ردة فعلو لانو في وقت لحتى يفكر ويكتب ...

بقى يا ستنا تيريز قولي لرفيقتك انو مافي شي اسمو حب على النت ومافي شب بيحب وبيسكت بدون ما يعبر ..
والشب اللي ما بيحكي معناها ما بيحب ...
شو ما كان الظرف ووين ما كان الحدث وحتى لو اختلفت طرق الحب ....
فخليها تحب غيرو يستاهلها ويقدر مشاعرها اكتر من هالشخص اللي عم يقضي وقت بس ...
بتمنى اني ما كون حكيت بشكل قاسي ..
ولا حدا يزعل مني اماااااااااااااااانة ....


الرب يكون معكن كلكن كلكن ....

كبرئيل السرياني
مشاركات: 725
اتصال:

Re: ما العمل ؟؟؟

مشاركة#6 » 14 مايو 2010 21:27

غادة الخوري كتب:يعني فهموني ليش هيك صاير هالزمن ؟؟؟؟
من ايمت صار الحب على الانترنت اسمو حب فعلي ..؟؟
يا جماعة كلو هاد بالنسبة الي صف حكي يعني مافي شي من المشاعر الحقيقية ...
لانو يا شباب ... الوجود ضرورة حتمية لتنشأ علاقة بين اي اتنين ...
بعدين تعالو لنشوف شو مفهوم الحب عندكن ...؟؟؟
الحب هو شعور حلو كتير بيتضمن الحنان والاخلاص والمحبة والصداقة والشهامة والكرم وو و و .......
يعني بالمختصر مافي حب بدون تواجد الشخصين لحتى يفهمو بعض صح من خلال ردات الفعل الحقيقية ...
اما على الشات بيقدر اي شخص يخفي شعورو الحقيقي ويخفي ردة فعلو لانو في وقت لحتى يفكر ويكتب ...

بقى يا ستنا تيريز قولي لرفيقتك انو مافي شي اسمو حب على النت ومافي شب بيحب وبيسكت بدون ما يعبر ..
والشب اللي ما بيحكي معناها ما بيحب ...
شو ما كان الظرف ووين ما كان الحدث وحتى لو اختلفت طرق الحب ....
فخليها تحب غيرو يستاهلها ويقدر مشاعرها اكتر من هالشخص اللي عم يقضي وقت بس ...
بتمنى اني ما كون حكيت بشكل قاسي ..
ولا حدا يزعل مني اماااااااااااااااانة ....


الرب يكون معكن كلكن كلكن ....


أحيي نضالك أختي غادة وأنا معكِ 100000000000000000000000000000000000000000000000000000000000000000000 %

محبتي
كبرئيل

صورة العضو الشخصية
غادة الخوري
مشاركات: 124

Re: ما العمل ؟؟؟

مشاركة#7 » 15 مايو 2010 19:42

تسلم اخي كابرييل لوقفتك معي ...
الحقيقة انا مبسوطة انو كلامي اخد موافقتك...
في كتير ناس مغشوشين بهاد الموضوع مع انو الغالبية بيعرفو الحقيقة بس احياناً بيحتاجو واحد يذكرون بالحقيقة ...
ونحن علينا انو نكون صادقين مع نفسنا اولاً وبعدين مع الناس ...


الرب يكون معك دايماً

ADONAI
مشاركات: 195

Re: ما العمل ؟؟؟

مشاركة#8 » 16 مايو 2010 11:27

سلامات ومحبة للجميع صار فترة ونحن غايبين ممم كان مات الكمبيوتر تبعي طبعا بحب اشكر بهروو وكبرئيل على كيس الرز يلي بعتو بالبريد كتعزية هههه
المهم حقيقة الموضوع شدني كثيراً ورح اقسم ردي الى قسمين
اولاَ على التعارف والزواج من خلال النت
ثانياً ردي على الاخت تيريز
ردي على القسم الاول اكتبه بسبب عملي خبرتي الطويلة نوعاً ما بعالم النت وغرف المحادثة واقول وبالمختصر المفيد الانسان الصادق وذي الاخلاق الحميدة والوفي لن يؤثر عليه المكان والزمان والطريقة في التعارف
والعكس صحيح الانسان الذي لا يملك تلك الصفات حتى لو كان جاري او قريبي لن يصدق مع الاخرين ومع من يحب ( طبعاً كلامي اخص به للطرفين) حالات تعارف وحب وزواج حدثت ضمن الحياة اليومية المعاشة دامت سنوات وفشلت !
وكما هناك الكثير من الحالات يتم التعارف على بعض من خلال وسيط اهل جيران اشخاص الانترنت ايضاً هو عامل ووسيط للتعارف ان قيل ان الانسان ممكن ان يخفي الكثير من وراء شاشة الكمبيوتر اعيد واكرر واذكر فقط هل العلاقات الانسانية صادقة حقاً بنسبة كبيرة عندما نكون وجهاً لوحه !
شخصياً اعرف حالات كثيرة تزوجو عن طريق النت واعرف شخصياً ستة حالات زواج عن طريق النت بمعنى 12 شخص تعارفوا وتزوجو وكان تعارفهم من خلال النت على مدى السنوات الماضية زواجهم ناجح ومستقر ومتحابون الى هذا اليوم
ام بالنسبة لوضع صديقتكِ كل ما استطع قوله هي وحدها من تستطع تقدير الامر ولكن برأي تحاول الابتعاد من الجو والفكر الذي هي فيه الان وتحاول ان تبتعد وتخرج من الدائرة التي تظللها حتى تستطيع ان تفكر بأستقلالية وحرية اكثر بمعنى اخر هي الان كلاعب كرة قدم في الملعب ولن تستطيع ان تعرف ما يجري جيداً على ساحة الملعب إلا ان تخرج من الملعب وتصعد وتجلس على المدرجات وتنظر للملعب ستجد الامور مختلفة عما كانت تراه وهي داخل ساحة اللعب وهنا تستطيع ان ترى الامور اوضح وتقرر الافضل
من ناحية ان تصلي وتطلب من الله شيء جميل جداً ولكن هل نطلب مشيئته ام مشيئتنا
وهل بعد صلاتنا وطلبنا نعطي فرصة لله ان يتدخل ام ننتظر منه في اليوم التالي حدوث شيء ما
كثير من الامور تبدو صالحة لنا ومفيدة ولكن اذا كنا حقاَ نطلب مشيئة الله فيها فكثير من تلك الامور الصالحة بنظرنا هي غير صالحة لنا في المستفبل القريب او البعيد بنظر الله

تحياتي ومحبتي لكم جميعاً

ghass888
مشاركات: 70

Re: ما العمل ؟؟؟

مشاركة#9 » 16 مايو 2010 13:28

سلام ونعمة لكم احبائي بالنسبة لقصص الاخت تريز التي تمس قضايا حساسا بالحقيقة اريد ان ابدي رأي بهذه المسالة بشكل صريح ان شغلة الشات والشباب والبنات والحب هذه شغلة للذي لا شغلة له فالسبب الرئيسي للهذه القصص هو (الفراغ) انسان فارغ من الداخل لايجد شيء امامه سوى ان يملأ وقته بهذه القصص والاوهام
فالصراحة ان لم يكن الله في قلب الانسان فان الانسان يتعب و يحفر لنفسه اباراًَ مششققة لا تظبط ماءً فاتمنى منكي اخت تريز ان تقولي لها ان تملاء حياتها بما هو مفيد وما هو صالح ونافع

صورة العضو الشخصية
terez
مشاركات: 115

Re: ما العمل ؟؟؟

مشاركة#10 » 16 مايو 2010 17:17

مشكورين للجميع عالردود صريحة ونافعة
ورح ارد عالكل انشالله بس لأنو من كم يوم اجاني خبر انو رفيق صديقها طلع يحبها وانغرم فيها ومستعد يرتبط فيها وطبعاً صديقها ماعندو علم وكمان رفيقو فيو صفات جيدة وفي شوية ميول بيناتن بس بينما هي تميل لصديقها اكتر .. بس انو بنت ماعم تعرف هل تقبل ارتباط برفيق صديقها ام لااااا ( هو ورفيقو متل اخوة ) شلون نينوس وكابي متل اخوة هن كمان هيك :lol: وبالاخص انو كان حبها لصديقها من طرفها فقط؟؟؟؟
احــــلـــــى مـــــــــــــا فــــــــــي حــــــيـــــــاتـــــــــي أنـــــــــــــت حـــــــبـيبـــــــي يــــــــــا يــــــــــــــــــوع

صورة العضو الشخصية
BAHRO
مشاركات: 339
اتصال:

Re: ما العمل ؟؟؟

مشاركة#11 » 16 مايو 2010 17:42

terez كتب:يعني قصة ومافيها يا شباب انو انا حابة استشير رأيكم بشغلة وبتمنى الكل يجاوبوني
بالمختصر مفيد: انو في بنت مسيحية قالتلي انو ... تعرفت على شب عن طريق منتدى هي وهو كانو يشتركو فيه ... وبعدين هالبنت شافت هالشب مرتين وبس تحكي معو عالمسينجر وموبايل كتير وطبعاً هي حبتو كتير بس انو تستنى شي يوم انو هالشب يقولها انو انا بحبك وبدي ياكي
ومع انو لمحتلو كذا كم مرة انو تحبو وحتى اهدتلو قصائد وخواطر وبالاخر شي كتبتلو عالمسينجر انو انا حبيتك وهو ماقال شي الا : تسلمي يارب

واخو بنت كمان يكون صديق هاد شب بس مايعرف بمشاعر اختو تجاه هالشب ... وشب يخجل من اخوها كتيروحتى مرة بعت ورا اخوها عالتليفون لعندو عالحمص بس استحى يذكر اسم صبية قدام اخوها ...
مرات تحس انو هو يحبها لأنو تقول هو كمان يقولها مايرديا تبتعت عنو لأنو في كم واحد كان بدن يبعدون عن بعض وهو كان عم يقاوم وفي مرات تحس انو لا يمكن عم يعتبرا صديقة وبس
مع انو تعرف انو عندو كتير صديقات من انترنيت وهو كمان يعرف انو عندها كتير اصدقاء من انترنيت
وشغلة تانية انو هي كتبتلو برسالة شي نوع من غزل ولما حكي معها من شان يستفسر ايش قصة رسالة كان كتير مستغرب وماكان عندو مانع انو تكتبلو هيك رسائل وبعد هالقصة عرفت انو هو حب وحدة من منتدى تبعن بس ماصرح مين هي؟؟ وبنت مابقا عندا صبر ومابقا تعرف ايش تعمل لذلك كانت عم تسألني .. تصلي للرب انو تكون هي ببالو ولا لاء و تصارحو بمشاعرها ولا لاء ؟؟؟؟؟؟



أنا برأيي أنو كاساندرا تحب راندووو بس بنفس الوقت ما تريد تخسر لويس دافيد لأنو هوي كمان يحبا و حالتو المادية ماشي حالها و يقدر يأمنلها عيشة لا بأس بها بعيداً عن أجواء السيرك و حياة المخاطرة اليومية تحت سكاكين راندو... أيش وي هدا تيريز... أنا شايف أنو صديقتكي عم تعيش قصة حب مكسيكية خرج 3 مسلسلات كل مسلسل 400 حلقة و بالنهاية محد يفهم أيش يي القصة.




عيني... القصة و ما فيها بما أنو صدديقتكي عم تفكر ولوووو بمجرد التفكير بالإرتباط بصديق حبيبها اللي يحبها خلافاً على الشخص اللي تحبو و هوي ما يحبها فأسمحيلي أقول لصديقتكي أنو الشعور اللي كان بداخلها هوي ما كان حب ابداً لأنو اللي يحب بدو فترة ليطلع من الصدمة اللي يسببها إكتشاف أنو حبها كان بس من طرف واحد...
إذاً و من هذه المعادلة نستنتج أن صديقتكي تريد بس الإرتباط ربما لحاجتها لذلك أو لشعورها بالفراغ...

ياريت ما تتسرع بإتخاذ أي قرار يمكن يأثر على مسيرة حياتها كلياً..

فوشون بشلومو
لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية يوحنا 16:3

مظاهرة برلين للتضامن مع دير القديس مار كبرئيل

إن أردت التغيّر فعلم جيلاً جديداً

ORNINA
مشاركات: 22

Re: ما العمل ؟؟؟

مشاركة#12 » 16 مايو 2010 19:56

مساء الخير يا أحلى أعضاء بأحلى موقع

و يسلمو كتير على هالنقاش الحلو و المشوق. بصراحة أنا بدي أبدي رأيي بالموضوع بإختصار و شفافية.
أنا مو ضد هالموضوع بالمرة لأنو أنا و زوجي تعرفنا على بعض عن طريق الإنترنيت طبعاً نحن عايشين بنفس المدينة و الأنترنيت كانت بس وسيلة لتعريفنا على بعض بس لما صار إعجاب بيناتنا قررنا نتواعد و نشوف بعض و طبعاً إلتقينا كتير مرات مع بعض و أُعجبنا ببعضنا أكتر و أكتر الشي الي خلانا نقرر أنو نكلل هالعلاقة بالزواج و أنا هلا مو ندمانة أبداً على أنو تعرفتو على زوجي عن طريق الإنترنيت بالعكس نحني لازم نواكب التطور و الإنترنيت صار جزء هام من حياتنا و لازم نعرف نستغلو صح. بس رجاءً لا تنسو أنو اللقاء الشخصي وجهاً لوجه هو إلو الإنطباع الأكبر و هوي إلو الكلمة الأخيرة يعني لا نعتمد عالأنترنيت بقراراتنا بس نعتبر الأنترنيت مجرد وسيلة للتعارف متل زمانية لما كانت الأم تدور بيت بيت و تدور على بنت و تخطبها كمان بدون علم أبنها نفس العملية صارت هون بس أنو بطريقة متطورة أكتر :D

يسلمو مرة تانية على النقاش الحلو
أختكن أورنينا

صورة العضو الشخصية
terez
مشاركات: 115

Re: ما العمل ؟؟؟

مشاركة#13 » 17 مايو 2010 10:37

يا اخ بهرو ممكن يكون بنت عندا فراغ بس مابظن بنت حاجتها بس للأرتباط لو كان هيك لكانت تزوجت من اول شخص لما يتقدملا ....
وبعدين شغلة تانية بنت صارعندا شك كبير انو صديقها عم يعتبرا مجرد صديقة الو
وشخص تاني (رفيقو) مايقدر يعتبرا صديقة او اخت الو ...
بس انو بنت تخاف على مشاعر رفيق صديقها ... لأنو لو رفضت رفيق صديقها تخاف ليروح يزعل من اخوها لانو هو كمان يكون رفيق اخوها وكمان كان تعرفت عليه عن طريق نفس منتدى

ولو قبلت فيه كمان بدا تراعي مشاعرو لانو موحلوة من شان لا كل مرة زوجها يقول صديقي كان حبيب مرتي


ملاحظة : صديقها يكون بعمرها اما رفيقو يكون اصغر منها بسنتين ورغم هالشي هو يرديدها



تحياتي الكم اخوتي
احــــلـــــى مـــــــــــــا فــــــــــي حــــــيـــــــاتـــــــــي أنـــــــــــــت حـــــــبـيبـــــــي يــــــــــا يــــــــــــــــــوع

صورة العضو الشخصية
terez
مشاركات: 115

Re: ما العمل ؟؟؟

مشاركة#14 » 17 مايو 2010 10:43

ORNINA كتب:مساء الخير يا أحلى أعضاء بأحلى موقع

و يسلمو كتير على هالنقاش الحلو و المشوق. بصراحة أنا بدي أبدي رأيي بالموضوع بإختصار و شفافية.
أنا مو ضد هالموضوع بالمرة لأنو أنا و زوجي تعرفنا على بعض عن طريق الإنترنيت طبعاً نحن عايشين بنفس المدينة و الأنترنيت كانت بس وسيلة لتعريفنا على بعض بس لما صار إعجاب بيناتنا قررنا نتواعد و نشوف بعض و طبعاً إلتقينا كتير مرات مع بعض و أُعجبنا ببعضنا أكتر و أكتر الشي الي خلانا نقرر أنو نكلل هالعلاقة بالزواج و أنا هلا مو ندمانة أبداً على أنو تعرفتو على زوجي عن طريق الإنترنيت بالعكس نحني لازم نواكب التطور و الإنترنيت صار جزء هام من حياتنا و لازم نعرف نستغلو صح. بس رجاءً لا تنسو أنو اللقاء الشخصي وجهاً لوجه هو إلو الإنطباع الأكبر و هوي إلو الكلمة الأخيرة يعني لا نعتمد عالأنترنيت بقراراتنا بس نعتبر الأنترنيت مجرد وسيلة للتعارف متل زمانية لما كانت الأم تدور بيت بيت و تدور على بنت و تخطبها كمان بدون علم أبنها نفس العملية صارت هون بس أنو بطريقة متطورة أكتر :D

يسلمو مرة تانية على النقاش الحلو
أختكن أورنينا

مشكورة عالمرور اخت اورنينا
وانا قلت هالبنت شافتو شخصي لهالشب وعم تسمعو صوتها كمان
بالبداية بنت لما كانت تحكي معو عالانترنيت كانت تعبرو متل اخوها بس لما شافتو بنت تغيرت مشاعرها
انشالله تكوني موفقة مع زوجكي وتعيشي حياة سعيدة معو
تحيلتي لكي اورنينا
احــــلـــــى مـــــــــــــا فــــــــــي حــــــيـــــــاتـــــــــي أنـــــــــــــت حـــــــبـيبـــــــي يــــــــــا يــــــــــــــــــوع

essa
مشاركات: 26

Re: ما العمل ؟؟؟

مشاركة#15 » 17 مايو 2010 12:11

:?: :!:
آخر تعديل بواسطة essa في 18 مايو 2010 08:04، تم التعديل مرة واحدة.

صورة العضو الشخصية
BAHRO
مشاركات: 339
اتصال:

Re: ما العمل ؟؟؟

مشاركة#16 » 17 مايو 2010 18:04

أخينا الكبير عيسى...
أهلاً و سهلاً بعودتك لنا بعد طول غياب... أشتقنا لك...

أرجو أن لا تفهمني غلط يا أخي عيسى و لكن لامانع من أن يبدي كل عضو رأيه في الموضوع و من حق الأخت تيريز أن تعلّق على رد كل عضو بإعتبارها كاتبة الموضوع و بدون ردها لن تكتمل الصورة لدى القارئ.. هذا من ناحية و من ناحية أخرى نحن نوّد أن نسمع أكبر عدد من الآراء بالموضوع حتى يرد قدّس أبونا ميخائيل على الموضوع حيث كان الأخ كبرئيل سبق و أن طلب من حضرته إبداء رأيه بالموضوع و بالنهاية هذا موضوع واقعي قد يواجه أي شخص منا "الغير مُتزوجين طبعاً" بحكم إشتراك كل شخص منا بعدد من المواقع مما ينتج عن ذلك التعرف على الكثير من الأشخاص و تكوين علاقات من هذا النوع أو نوع أخر.

أرجو أن لا تفهمني غلط و أن تتقبل هذا الرأي من أخ صغير لك

تحياتي القلبية
فوشون بشلومو
لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية يوحنا 16:3

مظاهرة برلين للتضامن مع دير القديس مار كبرئيل

إن أردت التغيّر فعلم جيلاً جديداً

الأب ميخائيل يعقوب
إداري
مشاركات: 712

Re: ما العمل ؟؟؟

مشاركة#17 » 19 مايو 2010 15:43

الابنة الروحية تيريز
الابناء الروحيين الذين قمتم بإبداء الرأي .
في الحقيقة إنني قرأت الموضوع الذي طرحته الابنة الروحية تيريز مشكورة كما قرأت جميع الردود وإنني أشكركم عليها .
وأما بالنسبة لرأيي فأقول :
يجب على المؤمن المسيحي أن لا يعتبر الزواج المسيحي كأي مشروع آخر في حياته مهما كانت المشاريع كثيرة ومتعددة وفي مستويات سهلة أو صعبة . لماذا ؟
لأن مشروع الزواج المسيحي هو مشروع مشترك ( بشري - إلهي ) كيف ذلك ؟
بشري . فلأنه خاضع لاختيار الإنسان تماماً ( شاب وفتاة ) .
إلهي فلأنه لا يمكن أن يتم إلا إذا حلّ الروح القدس بدعوة الأب الكاهن .
وبالتالي فمتى ما تم الزواج المسيحي فإن الرابط هو رابط إلهي بين الزوجين ليس من حقهما أن يفسخاه متى ما شاءا . وكل ذلك فلأن العلاقة الزوجية بين الرجل والمرأة هي على صورة العلاقة ما بين المسيح والكنيسة ، وهذا ما أكّده الرسول بولس في الأصحاح الخامس من رسالته إلى أهل أفسس بالقول : لأن الرجل هو رأس المرأة كما أن المسيح هو رأس الكنيسة .............
ومن ذلك أحبائي فأنا أرى أن لا يفكر الشاب أو الفتاة في مشروع الزواج بأية طريقة لا تليق وكرامة المسيح وكنيسته .
وإن التعارف عن طريق الأنترنت هو طريقة غير لائقة البتة ، لأنها تتم عن بعد لا دور فيها للنظر والسمع وللمعرفة العقلية . بل الدور كل الدور هو للإحساس الغريزي فقط ، هذا الإحساس الذي تدغدغه أية كلمة رقيقة مهما كانت كاذبة وأنانية ...... إلخ .
ولذا فإن مجرد الاعتماد على النت والمكالمات على الماسنجر وغيرها هو تصرف جاهل عواقبه وخيمة . أما إن كان النت مجرد بداية تنتهي باللقاء والتعارف وجها لوجه كما قالت الابنة الروحية أورنينا ، وهذا اللقاء وجهاً لوجها أدى إلى تعارفهما الحقيقي القائم على النظر والسمع والمعرفة العقلية . فإنه لا مانع .
أخير أدعو جميع شبابنا وبناتنا أن لا يتورطون في علاقات عن طريق النت لأن معظمها ينتهي بمأساة على الأقل بالنسبة للفتاة .
وأنا شخصيا وبإرادة إلهية علمت بأكثر من علاقة من هذا النوع فأسرعت إلى الفتيات وأقنعتهن بالكف عن هذه العلاقات ، وكانت النتيجة بعد أشهر أن جميعهن جاءت وشكرتني بأنني أنقذتهن من مطبات كانت ستودي بهن إلى مستنقعات سيئة .
ليبارككم الرب جميعكم بشفاعة أمنا مريم العذراء والقديس مار أسيا الحكيم آمين .
مسيحنا الله

الأب القس ميخائيل يعقوب
كاهن كنيسة مار أسيا الحكيم في الدرباسية


هــــ : 0096352711840
موبايل : 00963988650314
إيميل هوتميل : father.michel@hotmail.com
إيميل ياهو : father_michel_jacob@yahoo.com


و فوق الصليب تصرخ الحقيقة

العودة إلى “مجرد آراء”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد

cron