طريقة الدخول للمواقع الهامة بطريقة أمنة

كل ما تحتاجونه من برامج ومخدمات ومعلومات
صورة العضو الشخصية
BAHRO
مشاركات: 339
اتصال:

طريقة الدخول للمواقع الهامة بطريقة أمنة

مشاركة#1 » 10 يوليو 2009 10:01

مرحبا يا شباب و يا صبايا...
بصراحة أنا أعطي لحماية الكمبيوتر أهمية كتير كتير كبيرة يعني الأنتي فيروس و الفاير وول لازم يكونو على أخر تحديث
و على أحسن ما يكون بس الواحد ما يعرف أيش ولاد الحلال هالقراصنة يقدرو يسوو و أنا أستعمل الأون لاين بانكينك كتير
يعني أحسن ما أروح عالبنك أسوي الحسابات عن طريق الأنترنيت و حتى أدفع عن طريق الباي بال لأنو تقريباً ما ضل موقع
عالمي ما يقدم هالخدمة... طيب يعني هالمواقع أيش عرفن أنو أنا هالشخص اللي عم أفوت على حسابي؟؟؟
يعني يمكن يكون شي واحد سرق كلمة السر تبعي و يفوت بحسابي و يبلش يحول رصيدي على كيفو :roll: :roll:
لأنو العملية كلا تعتمد على كلمات السر طبعاً في أرقام تانية يطليا البنك للحماية بس ممكن يكونو القراصنة قدرو يخترقو هالصفحة بموقع
البنك و ياخدو الأرقام... بشان هيك أنا جبتولكن اليوم طريقة خاصة و مجربة شخصياً.
أول شي لازم نعرف شلون ولاد الحلال هالقراصنة يسرقوا كلمات السر؟؟؟
السرقة تتم عن طريق برنامج يكون على جهازك بدون ما تحس و هالبرنامج يبعت كل كبسة زر على لوحة مفاتيحك للقرصان
يعني أذا أفوت على أولف و أكتب BAHRO و كلمة السر 123456 يروحو فوراً هالمعلومات للقرصان أنو هالكلمات أنكتبو عالكيبورد تبعي

ملاحظة: لا تكيفو و تقولو عرفنا كلمة السر تبع بهرو كلمة السر تبعي هيي 654321 بس لا تقولو لحدا هااا :D
يالله نرجع لموضوعنا... أحسن طريقة للدخول للمواقع و بطريقة أمنة هيي عن طريق لوحة المفاتيح المساعدة الموجودة على كل كمبيوتر

لوحة مفاتيح مساعدة؟؟؟ ايش عم يخبص هدا بهرووو ياو؟ أنا ما عندي غير لوحة مفاتيح وحدة!!!

طولو بالكن يا جماعة... أنتن أكيد تعرفو أمر ال RUN , اللي من خلالو تعطي للكمبيوتر أمر مبارشر يعني يوح ساااااااااوي للبرنامج بلا عوجات و إشارات مرور
و اللي ما يعرف شلون يروح لل RUN و لجماعة ال XP هيي الطريقة التالية:
أولا اذهب إلى ابدأ star ثم تشغيل run
و بطريقة أسرع و اللي أنا أستعملا دائماً على هذا الشكل
أضغطوا على كبسة الويندوز
taste.JPG
taste.JPG (1.9 KiB) تمت المشاهدة 747 مرةً

و خلو أيدكن مكبوسة عليها و أضغطوا بنفس الوقت على حرف ال R
تيفتح عندكن أمر ال RUN مباشرة.....
حلوووووو كتير يالله قربت يا جماعة... عضة كوساية و نخلص :D
لما يفتح أمر ال RUN كتبو فيهو هالتلات حروف OSK و أعطوهو أوكي
أيش صار؟ لعمة؟ لوحة مفاتيح على الشاشة يا جماعة!!! شي حلو هاه....

Aufzeichnen.JPG


أي يا جماعة و من خلال هاللوحة المفاتيح هاي تقدرو تسجلو بأينا موقع أو تكتبو أي شي بالأنترنيت بأمان تام
طبعاً ما تبلشولي تكتبو مواضيع بالمنتدى بهاللوحة يعني هاي تستخدموها بس لما يكون الأمر ضروري و سري مو بشان شي بس لأنو الشغل فيها مو كتير طيب وي

ملاحظة: أنا جربتو الطريقة م خلال برنامج تجسس على كمبيوتري الخاص و بالفعل ما عطاني أي معلومة لما أستعملتو هالطريقة :mrgreen:

ماشي يا جماعة و لا تواخذونا لأنو طولنا عليكن بس أمان معلوماتكن أهم شي هوي
يالله فوشون بشلومو و إلى اللقاء بدرس جديد في منتدى البرامج يا حلوين
لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية يوحنا 16:3

مظاهرة برلين للتضامن مع دير القديس مار كبرئيل

إن أردت التغيّر فعلم جيلاً جديداً

كبرئيل السرياني
مشاركات: 725
اتصال:

Re: طريقة الدخول للمواقع الهامة بطريقة أمنة

مشاركة#2 » 10 يوليو 2009 12:30

البنك أسوي الحسابات عن طريق الأنترنيت و حتى أدفع عن طريق الباي بال ;) ;) ;)

أبو شريك كثير كويس شرحك وى لووو ....
بس تعرف ... شخصياً ما عندي حساب بالبنك ولا بلباي بال ... :cry: :cry:
أيش رايك تعملي حساب هونيك ونجرب نعمل متل ما تقول ؟؟؟ :D :D
أو أيش رأيك نبلش نلم مصاري من الأعضاء يلي انتسبو للنادي تبعنا ويعملولي رصيد بل باي بال ... :!: :?:
بعدما ما يسير عندي رصيد هداك الوقت بلكي نجرب أبو شريك ؟؟؟

بقا أيش تقول أبو شريك

يلا يا شباب صندوق النادي فاضي وى ... :x :x

صورة العضو الشخصية
BAHRO
مشاركات: 339
اتصال:

Re: طريقة الدخول للمواقع الهامة بطريقة أمنة

مشاركة#3 » 10 يوليو 2009 16:56

أه يا معلم كبرئيل يا خطير...
يعني كشفت حالك بحالك... على أساس أمين و ما تمد أيدك للحرام و تتكون شخص موثوق يستلم الصندوق...
يعني ليش تريد يكون الحساب بأسمك مو بأسم النادي اللي بدننا نأسسو؟؟؟ ها؟؟؟
من هنا نرى إن نوايا الأخ كبرئيل غير صافية و غامضة و نطالب بتجريده من صلاحياته...
بعدين على فكرة... الباي بال مجاني هوي يعني أي واحد يقدر يسويلو حساب فيو :D
فوشون
لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية يوحنا 16:3

مظاهرة برلين للتضامن مع دير القديس مار كبرئيل

إن أردت التغيّر فعلم جيلاً جديداً

elias
مشاركات: 8
اتصال:

Re: طريقة الدخول للمواقع الهامة بطريقة أمنة

مشاركة#4 » 10 نوفمبر 2009 20:33

عزيزي BAHRO المعلومة جميلة بس في شغلة مهمة كتير بالموضوع
لانو لما تدخل على صفحة اي بنك بالعالم لازم تنتبه لعنوان الصفحة
هل يبدأ http
ام https
والفرق بينهما هائل لانو
http:// = Hyper Text Transport Protocol
اما
http:// = Hyper Text Transport Protocol "secure"
الفرق بين الإثنين هو أنّ الأمن المعلوماتي في الثاني "https"
اي صفحة بنك راح تبلش ب https" وأختراقها مستحيل
مشان هيك لاتدخل اي ارقام حسابات وما شابه في صفحة انترنت تبلش ب http
انتبه على رابط الموقع اللي نحن فيه فوق بدك تشوف http لانو نحن على صفحة نت عادية
تحياتي...............

صورة العضو الشخصية
BAHRO
مشاركات: 339
اتصال:

Re: طريقة الدخول للمواقع الهامة بطريقة أمنة

مشاركة#5 » 10 نوفمبر 2009 21:05

شكراً كتير إلك أخ الياس على الإضافة
بالفعل هالمعلومة قيمة و أنا أهتم فعلاً بحرف ال s المضاف للعنوان
و نسيت ذكر هذا الأمر الهام بالموضوع
" يالله كسبنا شوفتك بالمنتدى أخ الياس"
تحياتي القلبية
لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية يوحنا 16:3

مظاهرة برلين للتضامن مع دير القديس مار كبرئيل

إن أردت التغيّر فعلم جيلاً جديداً

العودة إلى “البرامج”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد